حصريا على منتدى البنات المسلمات....حل للمشكلة التى تواجهنا جميعا فى لفات الطرح ....عاوزين نجدد على طول ومافيش لفات طرح جديدة

بسم الله الرحمن الرحيم
ازيكوا يابنات
طبعا كلنا او معظمنا بنبقى عاوزين دايما نغير فى لفات الطرح اللى بنلبسها
وطبعا بنلجأ للنت حيث انه اسهل واقرب وسيلة
وطبعا مابنلاقيش غير لفات اسبانش بس هى اللى موجود منها اشكال جديدة على طول بالوان واشكال على الموضة
لكن الاسبانش ده ماينفعش فى الخروج العادى ممكن بس استخدامه فى المناسبات والأفراح وهكذا....

لكن خلينا فى موضوعنا
احنا بنبقى عاوزين اشكال جديدة للفات الطرح العادية وبصراحة لو لقينا بيبقى شكلها مايتقعدش بيه فى البيت حتى ههههههههههههههه

النهاردة جبتلكوا الحل وحصرى فقط على منتدى البنات المسلمات
لفات طرح جناااااااااااااااااان وكلها اشكال جديدة
انشاء الله تعجبكوا وتحل المشكلة دى
قريباً جدا بإذن الله على المنتدى
انتظرونييييييييييييييييييييييييييييييييييييييييييييييييييييييييييييييييييييييييييييييييييييييييييى

ازيكوا يابنات
دى أول لفة طرحة لى بالشرح
يارب تعجبكوا
هنحتاج: طرحة عادية (شال) ممكن استخدام اى نوع قماش ولكن يفضل يكون مش شفاف _2 طرحة عادية اى نوع قماش يفضل مايكونش قطن او كتان
عشان ماتبقاش تقيلة على رأسك_وطرحة مشجرة مثلا او فيها ورد او اشكال عشان تلفيها فى الاخر

ده شكلها النهائى

الخطوات:-

1-لفى الطرحة العادية الاولى عادى زى مابتلفى اى طرحة على حسب الشكل اللى يليق على وجهك
(مثلا انا عملاها مثلث من قدام وحطاها على ذقنى باستخدام بندانه تحتها, ممكن انتِ تلفيها دائرية عند الوجه او اى شكل حسب شكل وجهك)

2- ناس كتير بتستصعب الخطوة دى لكن هى سهلة قوى , هتاخدى اول طرحة من الاتنين الخفاف تكون لونها مختلف وبدل ماتلفيها عادية خليها مايلة شوية
وثبتيها بدبوسين وسيبى باقيتها نازل لورا كما فى الصورة

3- وبعدين خدى الطرحة الخفيفة التانية وثبتيها بدبوسين مايلة بردو بس عكس الاولى بحيث تعمل شكل X من قدام

4- وبعدين كررى الخطوة التانية بالطرحة الاولى هاتى الباقى بتاعها من ورا واتنيها وثبتيها مايلة بردو على الطرحة التانية
وكررى الخطوة التالتة واتنى الطرحة التانية على الاولى عشان تعمل سكل X تانى فوق الول
كما فى الصورة

5- اما شكل المثلث اللى فى الاخر ده سهل قوى بعد اما تخلصى الخطوتين دول هيتفضل طرف الطرحتين
على شكل مستطيل عادى هتاخدى طرف من الجنب وتثبتيه على انه مثلث وتاخدى الطرف التانى فوقيه وتثبتيه بس لورا شوية
كما فى الصورة( دى صورة خلفية للطرحة)

6-واخيرا الطرحة الاخيرة ودى بتختاريها على زوقك والقماشة اللى تعجبك ممكن تلفيها عادية خالص بس سيبى فراغ عند الرقبة
بحيث تبينى الطرحة اللى تحت لكن هنا انا عملاها بمثلثات من فوق بتخلى الطرحة سايبة وتثبتيها من النصف بالضبط وتمسكى الطرحة من جنب
الدبوس اللى فى النص وتخليها على شكل هرم او مثلث واقف وتحطى دبوس وهكذا الناحية التانية وتكملى على هذا النحو
وده الشكل النهائى

يارب تعجبكوا وتكون سهلة بس انتوا هتحسوا انها صعبة وبتاخد وقت وجهد لكن هى سهلة قوى جربوها وهتيجى معاكوا على طول
وهتاخدوا عليها وتبقى سهلة انشاء الله
لو فى حد عنده اى سؤال يتفضل وبإذن الله اجوبه

جميلة اوى اللفات دى عجبانى بس مش كلها بصراحة وانا هجرب اعملها بس يا رب تبقى حلوى عليا

» لفات طرح2009
» اربطى حذائك بأشكال جديدة تتناسب مع الموضة فتكتمل أناقتك