BANATMOSLEMAT

كل مايخص الفتاة المسلمة
 
الرئيسيةالبوابةاليوميةس .و .جبحـثالأعضاءالتسجيلدخول
مرحبا بكن فى المنتدى نرجوا السجيل والمشاركة بالموضوعات الجميلة والمفيدة
اجتماع لجميع عضوات المنتدى يوم الخميس الساعة الثامنة مساء اسبوعيا لمناقشة الافكار والاقتراحات فى غرفة الدردشة
Mouse

Free CursorsMyspace LayoutsMyspace Comments

شاطر | 
 

 عايزة تنجحى؟..........عايزة تحققى هدفك؟...........ادخلى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
BOSSYCAT
Admin
avatar

عدد المساهمات : 126
السٌّمعَة : 3
تاريخ التسجيل : 13/07/2009
العمر : 24
الموقع : القاهرة - مدينة السلام

مُساهمةموضوع: عايزة تنجحى؟..........عايزة تحققى هدفك؟...........ادخلى   الخميس نوفمبر 19, 2009 12:46 pm

بسم الله الرحمن الرحيم
االسلام عليكم ورحمة الله وبركاته
ازيكوا يابنات؟ الموضوع ده عجبنى قوى وحبيت أنقله عشان كلنا نستفيد
----------------------------
هاحكي لكوا حكاية..
مرة ولد صغير.. باباه قال له: لو ذاكرت هاجيب لك موتوسيكل..
الولد قعد يذاكر ويذاكر ويذاكر..
وبذل مجهود رهيب وهو بيحلم بالموتوسيكل ده..
وبعد ما نجح.. والده فعلا جاب له الموتوسيكل.. وكان صاحبنا مبسوط بيه جدا..
لكن في السنة اللي بعدها..
بدأ العام الدراسي.. لكن والده ماعرضش عليه صفقة زي صفقة الموتوسيكل اللي فاتت..
تفتكروا عمل إيه؟
هل ذاكر كويس وتفوق زي السنة اللي قبلها؟
هل بذل نفس المجهود اللي بذله؟

طيب.. نسيب الحكاية دي وخلونا ندخل في الموضوع..
ما الدوافع؟

الدوافع هي الوقود اللي بيخلينا ننجح أو نحقق أي إنجاز.. يعني ببساطة:
هي العجلة اللي خلت الولد -اللي في القصة اللي فاتت- يذاكر!
الدوافع دي مهمة جدا لأن هي اللي عندها القدرة تخلينا نحقق حاجات كتير جدا..
مثال:

لو نايم وفي عز النوم.. ورن جرس المنبه عشان وراك معاد محاضرة مملة.. هل هتصحى؟
طيب..
لو نايم وفي عز النوم.. ورن جرس المنبه عشان وراك رانديفو!.. هل هتصحى؟
فيه فرق في الحالتين.. مش كده؟
ممكن تكون نايم نفس عدد الساعات.. وعايز تنام بنفس القدر.. لكن فيه حاجة خلتك تتغلب على رغبتك في النوم..

الحاجة دي هي اللي بنسميها: الدوافع!

عايز تقول إيه؟
عايز أقول إننا لازم ناخد بالنا من الدوافع بتاعتنا.. عشان نعرف نتحكم فيها ونحقق نجاحات رائعة في حياتنا.. هو ده اللي هنتكلم عنه النهارده..
عايز أقول إننا ممكن نغرس لنفسنا دوافع قوية.. لأي إنجاز صعب عايزين نحققه..

هو أنا بارغي ليه كده النهارده؟ تعالوا نخش تاني في الموضوع:

أنواع الدوافع:
فيه نوعين اتنين بس من الدوافع يا سادة..
1- دوافع ضعيفة:
الدوافع الضعيفة دي –زي ما هو واضح من اسمها– ضعيفة!
يعني هتخليك تحقق إنجاز واحد أو اتنين.. وبعد كده هتخلص!

الدوافع الضعيفة دي هي:
((الدوافع الخارجية))
يعني الدوافع اللي خارج نطاق سيطرتنا.. الدوافع اللي خارجنا احنا!
مثال:

لو نجحت هاجيب لك موتوسيكل (الموتوسيكل دافع خارجي ضعيف).
هتكون أخلاقي عالية عشان أرضي الناس (رضا الناس دافع خارجي ضعيف).
مش هاسرق عشان ماروحش السجن (الخوف من السجن دافع خارجي ضعيف).
حد فاهم حاجة؟
طبعا القارئ هيستغرب ويقول لي: الأمثلة اللي إنت بتقولها دي عادية والدوافع دي مش ضعيفة ولا حاجة..
لكن اسمح لي –عزيزي القارئ- أقول لك:
في الأمثلة اللي فاتت
لو الأب ماجابش الموتوسيكل لابنه: مش هيذاكر!
لو الناس مش شايفين الشخص: هتبوظ أخلاقه!
لو مافيش حد شايفه: هيسرق!

مش ده اللي هيحصل؟
كل ده عشان الدوافع اللي مخلياه ينجح وتكون أخلاقه كويسة ومايسرقش:
كلها دوافع خارجية.. يعني خارج نطاق سيطرته وممكن تتغير في أي لحظة.. ولو اتغيرت.. مش هيستمر في الإنجاز..
عشان كده بنقول/ الدوافع الخارجية دي ممكن تكون قوية في الأول.. لكنها على المدى الطويل: دوافع ضعيفة وغير مستمرة إلى الأبد....
2- دوافع قوية:
الدوافع دي بقى مافيش زيها.. دوافع –زي ما هو واضح من اسمها– قوية جدا جدا جدا..
ومستمرة كمان.. وبتفضل على طووووووول...
شفت الجمال؟

الدوافع دي يا صاحبي هي:
((الدوافع الداخلية))..
دوافع جوانا احنا.. يعني لينا سيطرة كاملة عليها..
مثال:

- أنا هاذاكر عشان أطلع الأول (الرغبة إنه يطلع الأول دافع داخلي قوي).
- هتكون أخلاقي عالية عشان أكون إنسان كويس وأرضي ربنا (الرغبة في التميز ورضا الله دافع داخلي قوي جدا).
- مش هاسرق عشان عايز أكون إنسان محترم (الرغبة في تقدير الذات دافع داخلي قوي).
شفت ازاي؟
أي هدف عايز تحققه.. شوف الدوافع اللي بتحركك ليه إيه.. لو لقيتها دوافع كلها خارجية.. يبقى اعرف إنها دوافع ضعيفة وما \تعتمدش عليها قوي..
لو لقيتها دوافع داخلية.. اعرف إنها دوافع قوية جدا.. يبقى اعتمد عليها ومبروك مقدما..
أي هدف عايز تحققه.. خلي دوافعك ليه دوافع داخلية.. خليك عايز تحقق الهدف عشان رغبة جواك إنت.. مش عشان ترضي حد..

الدوافع موجودة جواك إنت.. دور عليها وسخرها لتحقيق أهدافك.. واعرف إن دوافعك الداخلية دي هتديك طاقة جبارة تحقق اللي إنت عايزه.. لو إنت فعلا عايزه..!
طب السؤال دلوقتي لحضرتك لو فهمت الفكرة من الموضوع

اية الدافع الحقيقي اللي انت شايف انو بيديك الوقود اللي يساعدك علشان تحقق هدفك ؟؟؟

مستنية مشاركتكم
الرجوع الى أعلى الصفحة اذهب الى الأسفل
http://banatmoslemat.ahlamontada.net
eshraqaah

avatar

عدد المساهمات : 18
السٌّمعَة : 4
تاريخ التسجيل : 10/02/2010
العمر : 21
الموقع : فى ارض الله

مُساهمةموضوع: رد: عايزة تنجحى؟..........عايزة تحققى هدفك؟...........ادخلى   الأحد يونيو 13, 2010 11:42 am

والله فعلا عندك حق
وتسلمى على الموضوع الحلو
الرجوع الى أعلى الصفحة اذهب الى الأسفل
 
عايزة تنجحى؟..........عايزة تحققى هدفك؟...........ادخلى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
BANATMOSLEMAT :: المنتديات العامة :: منتدى القصص والروايات-
انتقل الى: